لاہور کے علاقے نواب ٹاؤن میں پولیس نے بڑی کارروائی کرتے ہوئے ڈیڑھ کروڑ روپے مالیت کی چوری کی واردات ٹریس کرکے گھریلو ملازمہ اور اس کی والدہ کو گرفتار کرلیا۔
ترجمان ڈی آئی جی آپریشنز کے مطابق ملزمہ نے اپنی والدہ کے ساتھ مل کر شہری غلام مرتضیٰ کے گھر سے 25 تولہ طلائی زیورات، غیرملکی کرنسی اور دیگر قیمتی سامان چوری کیا تھا۔
پولیس کا کہنا ہے کہ واردات کے بعد ملزمہ کی والدہ چوری شدہ سامان لے کر رینالہ خورد فرار ہوگئی تھی، تاہم جدید تفتیشی حکمت عملی اور بروقت کارروائی کے ذریعے دونوں ملزمان کو گرفتار کرلیا گیا۔
ترجمان کے مطابق کارروائی کے دوران 100 فیصد مالِ مسروقہ برآمد کر لیا گیا جس کی مالیت تقریباً ایک کروڑ 25 لاکھ روپے بتائی جا رہی ہے۔
برآمد ہونے والے سامان میں 25 تولے سونا، قیمتی گھڑی، پاؤنڈز، ریال اور درہم بھی شامل ہیں۔
پولیس کے مطابق شہری غلام مرتضیٰ کی درخواست پر تھانہ نواب ٹاؤن میں مقدمہ نمبر 2239/26 درج کیا گیا جبکہ ملزمان کے خلاف قانون کے مطابق مزید کارروائی جاری ہے۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
