ایران کے صدر مسعود پزشکیان نے کہا ہے کہ ایران عالمی برادری کو یہ یقین دہانی کرانے کے لیے تیار ہے کہ وہ جوہری ہتھیار بنانے کی کوشش نہیں کر رہا ہے اور نہ ہم خطے میں بدامنی چاہتے ہیں۔
ایرانی میڈیا کے مطابق اسلامی جمہوری ایران براڈکاسٹنگ (آئی آر آئی بی) کے دورے کے موقع پر گفتگو کرتے ہوئے صدر مسعود پزشکیان نے کہا کہ تہران سفارت کاری اورعلاقائی استحکام کے لیے پرعزم ہے اور مغربی ایشیا میں جنگ اور عدم تحفظ کا اصل سبب ایران نہیں بلکہ اسرائیل ہے۔
انہوں نے کہا کہ ہم دنیا کو یقین دلانے کے لیے تیار ہیں کہ ہم ایٹمی ہتھیار بنانے کے خواہاں نہیں ہیں اور نہ ہی خطے میں بدامنی چاہتے ہیں، اصل مسئلہ اسرائیل کی حکومت ہے جو ہر موقعے کو جنگ اور عدم استحکام برقرار رکھنے کے لیے استعمال کرتی ہے۔
امریکا سے جنگ کے خاتمے کے لیے جاری مذاکرات پر بات کرتے ہوئے انہوں نے واضح کیا کہ ایرانی مذاکرات کار ملک کی عزت اور وقار پر کبھی سمجھوتہ نہیں کریں گے۔
ایرانی حکام کے مطابق ایران جوہری عدم پھیلاؤ کے معاہدے (این پی ٹی) کے تحت توانائی کی پیداوار، طبی تحقیق اور سائنسی ترقی کے لیے جوہری ٹیکنالوجی کے استعمال کا قانونی حق رکھتا ہے جبکہ امریکا اور اس کے مغربی اتحادی ایران پر الزام عائد کرتے ہیں کہ وہ جوہری ہتھیار بنانے کے لیے ٹیکنیکل صلاحیت حاصل کرنے کی کوشش کر رہا ہے۔
دوسری جانب ایران مسلسل امریکا اور دیگر ممالک کے اس الزام کو مسترد کرتا آیا ہے کہ وہ کسی صورت جوہری ہتھیار حاصل کرنے کا خواہاں نہیں ہے۔
رپورٹ کے مطابق ایرانی حکام کا کہنا تھا کہ جوہری ہتھیاروں پر پابندی کے شہید لیڈر آیت اللہ سید علی خامنہ ای کے فتویٰ کے ساتھ ساتھ ملک کی پالیسیاں اس معاملے پر واضح اور فیصلہ کن ہیں۔
خیال رہے کہ ایرانی صدر مسعود پزشکیان کا جوہری ہتھیاروں کے حوالے سے عالمی برادری کو مخاطب کرکے یہ بیان ایک ایسے وقت سامنے آیا ہے جب ایران اور امریکا کے درمیان معاہدے کے لیے جاری مذاکرات 14 نکات پر حتمی شکل اختیار کرنے کے قریب ہیں، جس کے باعث دونوں فریقین کے درمیان جنگ کا خاتمہ اور خطے میں جاری کشیدگی میں کمی کی امید ہے۔
ہاکستان کی ثالثی میں جاری مذاکرات کے سلسلے میں فیلڈ مارشل عاصم منیر نے دو روز قبل ایران کا اہم دورہ کیا تھا، جس کے بعد جاری بیان میں کہا گیا تھا کہ مذاکرات کے حوالے سے حوصلہ پیش رفت ہوئی ہے۔
Source link
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
