پہلے ٹیسٹ میچ میں پاکستان کو ناکوں چنے چبوانے والے بنگلادیشی فاسٹ بولر ناہید رانا نے آئی سی سی ایوارڈ جیت لیا۔
تفصیلات کے مطابق انٹرنیشنل کرکٹ کونسل کی جانب سے اپریل کے لیے پلیئر آف دی منتھ کا اعلان کردیا گیا ہے۔
نوجوان پیسر نے اپریل میں نیوزی لینڈ کے خلاف ون ڈے سیریز میں شاندار بولنگ کا مظاہرہ کرتے ہوئے تین میچوں میں آٹھ وکٹیں حاصل کی تھیں۔
ناہید رانا اس سے قبل مارچ میں بھی پاکستان کے خلاف ون ڈے سیریز میں آٹھ وکٹیں لے کر اپنی صلاحیتوں کا لوہا منوا چکے تھے۔
یہ پہلا موقع ہے کہ ناہید رانا نے آئی سی سی کا پلیئر آف دی منتھ ایوارڈ اپنے نام کیا ہے۔
وہ مہدی حسن میراز کے بعد یہ اعزاز حاصل کرنے والے بنگلادیش کے دوسرے مرد کرکٹر بن گئے ہیں۔
واضح رہے کہ ناہید رانا نے رواں ماہ پاکستان کے خلاف پہلے ٹیسٹ میچ کی دوسری اننگز میں تباہ کن بولنگ کرتے ہوئے بظاہر ڈرا ہوتے میچ کو بنگلادیش کی جیت میں تبدیل کردیا تھا۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
