کراچی:
شہر قائد کے کورنگی کراسنگ بھٹائی کالونی میں پانی اور بجلی کی طویل بندش کے خلاف علاقہ مکین سڑکوں پر نکل آئے مشتعل مظاہرین نے شدید احتجاج کرتے ہوئے ٹریفک معطل کر دی اور ٹائر نذرِ آتش کیے۔
مظاہرین نے حکومت اور متعلقہ اداروں کے خلاف شدید نعرے بازی کی جس کے باعث علاقے میں ٹریفک کی روانی بری طرح متاثر ہوئی اور گاڑیوں کی لمبی قطاریں لگ گئیں۔
احتجاج میں شریک شہریوں کا کہنا تھا کہ گزشتہ 21 دن سے علاقے میں پانی کی فراہمی بند ہے جبکہ بجلی کی غیر اعلانیہ لوڈ شیڈنگ بھی معمول بن چکی ہے جس کے باعث روزمرہ زندگی شدید متاثر ہو رہی ہے۔
مظاہرین نے مطالبہ کیا کہ فوری طور پر پانی کی فراہمی بحال اور لوڈ شیڈنگ کا مسئلہ حل کیا جائے، بصورت دیگر احتجاج کا دائرہ مزید وسیع کیا جائے گا۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
