کراچی:
شہر قائد میں بلال کالونی پولیس نے نیو کراچی سے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، چھینے گئے موبائل فونز ، موٹرسائیکل اور دیگر سامان برآمد کر لیا ۔
تفصیلات کے مطابق بلال کالونی پولیس نے سیکٹر فائیو ڈی نیو کراچی سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان کراچی پولیس کے مطابق زخمی حالت میں گرفتار ڈاکو کی شناخت مجیب واحد ولد مظفر علی کے نام سے کی گئی جبکہ دوسرے گرفتار ملزم نے اپنا نام کاشان ولد ذیشان بتایا۔
گرفتار ملزمان سے دو پستولیں بمعہ گولیاں ، چھینے گئے موبائل فونز ، کیش رقم اور موٹرسائیکل برآمد کی گئی ۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
