ریاض:
سعودی عرب کی وزارت خارجہ نے خیبرپختونخوا میں پیش آنے والے دہشتگردی کے واقعے کی شدید مذمت کرتے ہوئے حکومتِ پاکستان اور پاکستانی عوام کے ساتھ مکمل یکجہتی کا اظہار کیا ہے۔
سعودی وزارت خارجہ کی جانب سے جاری بیان میں کہا گیا ہے کہ سعودی عرب ہر قسم کی دہشتگردی اور انتہا پسندی کو سختی سے مسترد کرتا ہے اور ایسے بزدلانہ واقعات کی بھرپور مذمت کرتا ہے۔
بیان میں دہشتگردی کے واقعے میں جاں بحق افراد کے لواحقین سے گہرے دکھ اور افسوس کا اظہار کرتے ہوئے زخمیوں کی جلد صحت یابی کے لیے دعا بھی کی گئی۔
سعودی وزارت خارجہ نے کہا کہ مشکل کی اس گھڑی میں سعودی عرب پاکستان کے ساتھ کھڑا ہے اور دہشتگردی کے خلاف مشترکہ کوششوں کی حمایت جاری رکھے گا۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
