کراچی:
نیشنل سائبر کرائم انویسٹی گیشن ایجنسی نے شہر قائد کے علاقے گلزارِ ہجری میں کارروائی کرتے ہوئے مبینہ آن لائن فراڈ میں ملوث ایک بڑے کال سینٹر پر چھاپہ مار کر 40 سے زائد افراد کو حراست میں لے لیا۔
حکام کے مطابق این سی سی آئی اے کی ٹیم نے خفیہ اطلاع پر کارروائی کرتے ہوئے کال سینٹر کو گھیرے میں لیا جہاں سے بڑی تعداد میں کمپیوٹرز، لیپ ٹاپس اور دیگر ڈیجیٹل آلات قبضے میں لے لیے گئے۔
ذرائع کا کہنا ہے کہ کال سینٹر مبینہ طور پر زمانہ ہانی نامی شخص چلا رہا تھا جہاں سے بیرون ملک شہریوں کو جعلی بینک نمائندہ بن کر کالز کی جاتی تھیں۔
تحقیقات کے مطابق ملزمان مختلف ایپلیکیشنز اور سوشل انجینئرنگ کے ذریعے غیر ملکی شہریوں کا حساس بینکنگ ڈیٹا حاصل کرتے اور بعد ازاں ان کے اکاؤنٹس سے بھاری رقوم نکال لیتے تھے۔
حکام نے بتایا کہ زیر حراست ایجنٹس تفتیش جاری ہے جبکہ ڈیجیٹل شواہد کا فرانزک تجزیہ بھی کیا جا رہا ہے تاکہ فراڈ نیٹ ورک کے دیگر کرداروں تک پہنچا جا سکے۔
ذرائع کے مطابق ابتدائی تحقیقات میں یہ انکشاف بھی سامنے آیا ہے کہ کال سینٹر کا رابطہ بیرون ملک موجود بعض عناصر سے بھی تھا جبکہ متاثرہ افراد کی تعداد اور مالی نقصان سے متعلق تفصیلات اکٹھی کی جا رہی ہیں۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
