Assalam-o-Alaikum. Bohat bari khushkhabri Benazir Income Support Programme (BISP) ki mustahiq khawateen ke liye! Government ne quarterly stipend mein Rs 1,000 ka izafa confirm kar diya hai aur ab regular beneficiaries ko har qist Rs 14,500 mil rahi hai (pehle Rs 13,500 thi). Yeh izafa 2026 budget ke tehat kiya gaya hai aur Chairperson Rubina Khalid ne BISP headquarters mein ijlas ke baad yeh elaan kiya.
Ab yeh nai qist shuru ho chuki hai – bohat si khawateen ko Rs 14,500 aa rahi hain. Payment purane tareeqe se hi chal rahi hai yani retailers, dukaanon ya camp sites se vasool karen. Agar aap regular beneficiary hain aur recently Rs 13,500 li thi to ab aap Rs 14,500 ke liye eligible hain. New beneficiaries jo abhi ahil hue hain, un ko bhi yeh Rs 14,500 milegi.
Is ke ilawa Benazir Taleemi Wazaif aur Nashonuma program ke bachon ke stipend mein bhi Rs 500 ka izafa ho gaya hai (per child). Digital wallet SIM abhi bhi mil rahi hain – BISP offices se free le len taake future mein payments seedha wallet mein aayen.
Agar aap ne abhi tak check nahi kiya to foran 8171 web portal par jaen ya CNIC 8171 par SMS bhej kar status dekhen. Payment date tabdeel hui thi lekin ab March ke shuru mein bohat si khawateen ko paisa aa raha hai.
Yeh izafa Ramzan package se alag hai – Rs 14,500 regular stipend hai. Ramzan ke liye alag Nigehban Card ya federal Rs 13,000 package chal raha hai.
Bohat si behnon ko yeh paisa aa chuka hai – agar aap ko nahi mila to helpline 0800-26477 call karen ya nearest BISP office jayen. Apna haq zaroor lein, kisi ko katoti na karne den.
InshaAllah yeh madad barqarar rahegi aur mazeed izafe bhi aayenge. Video like karen, channel subscribe karen aur bell press karen taake har nai update foran mile. Allah sab mustahiq khawateen ko un ka poora haq ata farmaye. Good luck aur duaon mein yaad rakhna! 🌟💰
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
