کراچی:
شہر قائد کے علاقے گلستانِ جوہر بلاک 7 میں افسوسناک واقعہ پیش آیا جہاں جوہر کمپلیکس میں جمع بارش کے پانی میں کرنٹ آنے سے ایک پولیس اہلکار جاں بحق ہو گیا۔
ایدھی فاؤنڈیشن کے مطابق جاں بحق اہلکار کی لاش فوری طور پر قریبی نجی اسپتال منتقل کی گئی جہاں موت کی تصدیق کے بعد لاش کو سردخانے منتقل کر دیا گیا۔
اہلِ خانہ کے مطابق جاں بحق ہونے والے اہلکار وسیع اللہ ایک بیٹے کے باپ تھے اور ان کا آبائی تعلق روہڑی سے تھا۔
سسر عبدالوہاب نے بتایا کہ وہ جوہر کمپلیکس میں سسرال آئے ہوئے تھے اور واپسی کے دوران یہ حادثہ پیش آیا۔
انہوں نے مزید بتایا کہ عمارت کے اطراف میں بارش کا پانی جمع تھا جس میں کرنٹ ہونے کے باعث وسیع اللہ موقع پر ہی جان کی بازی ہار گئے۔
Muhammad Ramzan is a Pakistani journalist, digital content creator, and blogger with 7 years of experience in online media. He writes clear, well-researched, and easy-to-read articles on Islamic topics, Ramadan initiatives, government welfare programs, and community issues. Known for his authentic and heartfelt style, he connects deeply with readers across Pakistan.
